الغرور دائما بيؤدي بصاحبه للنهاية، والهوي لما بيتغلب علي العقل بيساعد في ده، ولما تبقي عارف الصح من الغلط لكن تعمل الغلط عشان قلبك عايز كده يبقي لازم تراجع نفسك. في دعاء"اللهم أرنا الحق حقا وارزقنا اتباعه.. وأرنا الباطل باطلا وارزقنا اجتنابه" واللي البعض نسبه لعمر بن الخطاب، إشارة لتغلب المزاج علي المنطق، فممكن تبقي عارف الحق والباطل، لكن تجتنب الأول وتتمسك بالتاني، عشان برضه تثبت لنفسك أنك صح من الأول. دايما بتحس أن فيه صراع بين القلب والعقل وأنت في النص مش عارف تصدق مين، والعقل ف الغالب بيبقي الصح، لكن لو فكرت بعقلك بس-زي مابيقولوا دايما-، ولغيت قلبك، هتفقد انسانيتك، واعتقد أن الحل في الموازنة بينهم،لكن ده يتحقق ازاي ؟! هبقي أفكر وأكتب المرة الجاية.